Американскиот претседател, Џо Бајден, најави дека САД заедно со државите од Г-7 групата и членките на ЕУ ќе покренат иницијатива за отповикување на трговскиот статус „најповластена нација“ на Русија, поради нејзината инвазија врз Украина.
Државите се очекува поедично да ја спроведат мерката, додека за САД за такво нешто одлука ќе треба да донесе Конгресот.
„Најповластена нација“ (MFN) е меѓународен трговски статус што една држава го доделува на друга, а значи дека земјата примател номинално со статусот добива трговски предности.
„Си-Ен-Ен“ објави дека упатени извори веќе се запознаени со прашањето како и оти декларативно веќе постои расположение во Конгресот за отповикување на статусот на Русија.
Во извештајот на „Си-Ен-Ен“ се наведува дека Бајден денеска ќе го објави соопштението, што потоа ќе треба да биде озаконето во Конгресот.
Извор: МИА