Американскиот потпретседател Џо Бајден и украинскиот претседател Петро Порошенко за време на вчерашниот телефонски разговор се договориле да работат за натамошно зајакнување на санкциите против Русија, соопшти Белата куќа.
Двајцата ја разгледале ситуацијата во источниот дел на Украина, а Бајден ги осудил најновите напади на проруските сили.
Според Бајден и Порошенко, Русија ги игнорира своите обврски во рамки на потпишаниот договор од Минск во септември минатата година.
Поради тоа, тие се согласиле да работат заедно со меѓународните партнери и да гарантираат дека цената на Русија ќе продолжи да расте поради нејзините агресивни активности кон Украина.