Бајден го осуди „отровот на белиот супрематизам“, оддавајќи им почит на жртвите во Бафало

Од:

Американскиот претседател Џо Бајден денеска остро го осуди „отровот“ на белиот супрематизам и сите оние кои го шират, по расистичкиот масакр од саботата во кој беа убиени десет луѓе во Бафало.

Во овој град во американската сојузна држава Њујорк, каде што еден млад човек, застапник на теориите на заговор, како онаа за „големата замена на населението“, во саботата изврши масакр со автоматска пушка, американскиот претседател денеска зборуваше за „терористички акт“.

Спомнувајќи ја оваа расистичка теза за „големата замена“ на населението, Бајден, видливо потресен, кажа : „Ги повикувам сите Американци да ја отфрлат оваа лага и да ги осудат сите оние кои ја шират за да освојат власт, гласови, пари“.

-Оние кои велат дека ја сакаат Америка, поттикнуваат омраза и страв, додаде 79-годишниот демократски претседател, без да открие имиња или партиска припадност.

„Тој отров, тоа насилство не смее да биде историјата на нашето време“, посочи тој, бидејќи во последните години се случија серија масакри во САД, во кои жртви беа црнци, Евреи и луѓе со шпанско потекло.

Претседателот денеска од Бафало уште еднаш повика на регулирање на носењето огнено оружје.

-Не сум наивен. Знам дека трагедијата ќе се повтори (…) Но, има некои работи што можеме да ги направиме. Можеме да го забраниме автоматското оружје на нашите улици, рече тој.

Тој долго време го повикува Конгресот да го забрани автоматското оружје, како она што беше употребено во неделата. Но, овој негов став отсекогаш наидувал на противење од републиканците кои одбиваат каква било регулатива за ова прашање.

Извор: МИА

Би можело да ве интересира

Бајден: Одлуката на Врховниот суд за абортусот ја врати Америка 150 години наназад

А1он

ВИДЕО: Повторно Бајден, ја опиша Америка, како „асуфутимаехаехфутбв“

Во САД се намалува рејтингот на Бајден

Бајден повика на тримесечно замрзнување на данокот на гориво

А1он

Бајден: Малку веројатно е дека ќе ја посетам Украина за време на европската турнеја

А1он

Републиканците во Тексас го отфрлија Бајден како претседател на САД