Високиот ирански функционер и идеолог Хасан Рахимпур Азгади изјави дека Иран, како одговор на ставот на Вашингтон за протестите во таа земја, треба да се однесува кон американскиот претседател Доналд Трамп „на начинот на кој тој се однесуваше кон Мадуро“.
„Со оглед на ставот на Трамп, секаков вид операција на територијата на САД, во сите држави и градови, вклучително и деструктивни операции како оние што ги спроведуваат тука, би била дозволена… против американските функционери и оние поврзани со нив“, рече Азгади.
Како што додаде, „Иран мора да му го направи на Трамп она што му го направи на венецуелскиот претседател Николас Мадуро“.
– Трамп мора да ја плати цената за време или дури и по неговото претседателствување и јас лично се надевам дека треба да биде фатен, рече Азгади.
