Накула Баселеј, кој американските медиуми го сметаат за автор на филмот „Невиноста на муслиманите“, побара полициска заштита за својата лична безбедност, откако во средата беше идентификуван.
Тој изјави дека и покрај тоа што ги предизвика муслиманите на масовни протести со својот квазифилм, сепак не се кае и ќе направи и втор дел на филмот.
„Јас воопшто не жалам. Жалам што почина амбасадорот, но не жалам што го направив овој филм“, рече човекот кој се престави како Накула Баселеј, 55-годишниот Копт кој живее во Калифорнија.
„Јас стојам зад 14-минутниот дел од филмот и јас го ставив на интернет. Размислувам да го поставам и целиот филм“, додаде тој.
Кога го прашале дали таа се чувствува виновен за последиците што ги направи овој филм, тој рекол:
„Да, јас се чувствувам виновен. Америка претрпеа последици заради филмот со кој нема ништо заедничко. Но, имам порака за целиот свет, а не само за муслиманите. Се надевам дека прво ќе го видат филмот, а потоа ќе судат“.
Се опишал себеси како „арапски мислител кој се интересира за муслиманските теми“.
Првично беше најавено дека режисер на филмот е Сем Василиј, израелски Американец финансиран од Израелците.
Тој се скри кога започнаа немирите во Египет и Либија, додека Стив Клаин, консултант за филмот, рече дека Василиј се уплашил и побегнал кога ја слушнал веста за смртта на американскиот амбасадор Стивенс.