Автомобил прегази учесничка на протестите против скапите горива во Франција

Протестните собири против високите цени на горивата во Франција започнаа денеска со трагичен инцидент, кога автомобил прегази и усмрти учесничка на протестите.

Инцидентот се случи во местото Пон ду Бовоазан, во близина на градот Гренобл во реонот на француските Алпи.

Како што соопшти францускиот министер за внатрешни работи Кристоф Кастанер до инцидентот дошло кога една жена со својот автомобил се приближила до група демонстранти, при што ја фатило паника и наместо кочницата, таа ја притиснала педалата за гас и удрила во една демонстрантка.

Жртвата при ударот се здобила со сериозни повреди и починала.

За денеска во Франција се најавени над 1.000 протестни собири против високите цени на горивата, на кои се очекува да учествуваат околу 50.000 лица.

Би можело да ве интересира

Франција и Германија го повикаа Иран да го ослободи британскиот танкер „што е можно поскоро“

Трамп и Макрон телефонски разговараа за Иран и оданочувањето на дигиталните гиганти

При прославата на победата на Алжир, во Франција уапсени околу 200 лица

Рохани: Иран ги остава сите врати отворени за спас на нуклеарниот договор

Оставка на вториот човек на француската Влада

Околу 2.500 кампери евакуирани поради пожар во Франција

Ана Ололовска