Најмалку две лица загинаа, а непознат број луѓе се повредени кога денеска се преврте автобус на автопат во североисточна Германија, соопшти германската полиција.
Полицијата соопшти дека несреќата се случила на излезот што води до паркинг од автопатот А11 во близина на крстосница во близина на Пренцлау, североисточно од Берлин, пренесе АП. Автобусот се преврте на страна.
Се претпоставува дека во несреќата не учествувале други возила, а засега не е јасна причината за превртувањето. Во автобусот во моментот на несреќата имало 14 или 15 лица.
Автопатот А11 го поврзува Берлин со полскиот град Шчечин.