Австрија почна со повлекување на мировниците од Голанската висорамнина, соопшти австриското МНР.
– Австриски војници се повлечени од граничниот пункт Кунејтра во база на ОН која се наоѓа во израелски дел. Првите 80 војници ќе се вратат во Виена денеска, изјави портпарол на МНР на Австрија.
Австријците патролираа во бафер-зона меѓу Сирија и Израел во рамки на мисија на ОН од 1974 година.
Минатата недела поради интензивни престрелки меѓусириските сили и бунтовници во тој реон, Австрија одлучи да ги повлече војниците чија безбедност беше под закана.
Двајца војници беа ранети откако беше заземен граничен пункт, а потоа беа прогонети оттаму од владини сириски војски.
Русија преложи да испрати свои војници како замена за австриските, но испраќањето ќе зависи од генералниот секретар на ОН, Сирија и на Израел.