Единаесет падобранци и пилот загинаа во авионска несреќа во близина на аеродромот Батлер Меморијал во американската држава Мисури во неделата, соопштија локалните власти. Државната полиција на Мисури соопшти дека несреќата се случила во близина на аеродромот Батлер Меморијал, кој се наоѓа во близина на центарот на градот.
– Авионот полетал околу 11:20 часот по локално време, но не успеал да достигне визуелна висина, потоа направил нагло свртување лево и се урнал на околу 300 метри од пистата, изјави за CNN Денис Џејкобс, вршител на должноста менаџер на аеродромот и директор на службите за итни случаи во округот Бејтс.
Авионот со еден мотор со турбопропелер бил управуван од Skydive Kansas City, додаде Џејкобс.
Авионот превезувал падобранци кога службите за итни случаи добиле повик дека авион се урнал и дека е зафатен од пламен, изјави за АП наредникот на државната полиција на Мисури, Џастин Јуинг.
Тој додаде дека Националниот одбор за безбедност во сообраќајот (NTSB) ќе ја испита несреќата. Полициската станица Батлер и канцеларијата на шерифот на округот Бејтс се исто така на местото на настанот. Батлер е околу 105 км јужно од Канзас Сити, Мисури.