Авганистанското Министерство за одбрана ја поздрави изјавата на командантот на меѓународните сили во Авганистан дека се неопходни дополнителен број војници и офицери за обука на локалните сили за безбедност.
Генерал Џон Николсон командант на американските и меѓународни сили во Авганистан изјави синоќа пред сенатска комисија дека не располага со доволно сили за соодветна советничка помош на локалните сили.
Николсон додаде дека меѓународната коалиција во Авганистан има недостиг од „неколку илјади“ лица за советување на авганистанските сили за безбедност.