Авганистанскиот претседател Ашраф Гани денеска потпиша мировен договор со воениот командант и лидер на групата „Хезб и ислами“, Гулбудин Хекматијар, и притоа вети дека ќе лобира кај САД и ОН тој и неговата група да бидат избришани од списокот со терористи, пренесоа американските медиуми.
Церемонијата директно беше пренесувана на телевизија. Гулбудин Хекматикар учествуваше на церемонијата преку видо врска.
Ова е прв мировен договор што авганистанската Влада го склучува со бунтовничка група од почетокот на војната со талибанците, во 2001 година.
Спогодбата веднаш беше поздравена од меѓународната заедница, како можна рамка за идниот мировен договор со талибанците.
По укинувањето на санкциите, се очекува Хекматијар да се врати во Авганистан по приближно 20-годишното прогонство од земјата. Се нагаѓа дека во моментов тој се наоѓа во Пакистан.
Според неуменуван претставник на неговата партија, тоа може да се случи за неколку недели.