Авганистанската Влада соопшти денеска дека наскоро ќе почне да издава електронски лични карти.
Таа тема се разгледува долги години, а воведувањето на електронските лични карти беше одложувано и предизвикуваше спорови, јави ДПА.
Првично тие лични карти требаше да се издаваат уште во 2010 година, но тогаш не се случи поради прашањето на податоците за етничката припадност.
Се очекува електронските лични карти да бидат важно средство за намалување на корупцијата и изборните измами. Првично ќе бидат издадени 500 илјади елетронски лични карти за што ќе бидат потребни шест месеци.