Сирискиот претседател Башар ал Асад го повика шефот на Обединетите нации за хемиско оружје Аке Селстром на разговори во Дамаск поради наводите дека Сирија употребила хемиско оружје за време на двогодишната граѓанска војна.
Асад претходно одбиваше да им дозволи пристап на инспекторите на ОН во земјата, со исклучок на градот Алепо.
Сирискиот амбасадор во ОН, Башар Џафари повтори дека и покрај повикот на Асад, на инспекторите нема да им биде дозволен пристап во другите области, освен во Алепо.
Се уште не е познато дали претставниците на ОН ја прифатиле поканата.