Аргентинскиот претседател отпатува на средба со новоизбраниот бразилски колега

Од:

Аргентинскиот претседател Алберто Фернандез денеска отпатува за Бразил, на средба со новоизбраниот претседател Луис Инасио Лула да Силва кој во вториот круг од изборите извојува тесна победа над досегашниот бразилски претседател Жаир Болсонаро.

Перонистот Фернандез веднаш по објавувањето го поздрави изборниот резултат, пред се поради затегнатите односи со десничарот Болсонаро изминатите четири години. Победата на Лула се проценува дека може да доведе до зајакнување на врските меѓу двете соседни земји.

„Аргентина и Бразил претставуваат значаен дел од јужноамериканскиот бруто-домашен производ“, рече Фернандез преку аргентинското „Радио 10“ пред да замине за Сао Паоло.

Тој за Лула рече дека е „навистина уникатен и импресивен лидер кој живеел низ многу тешки времиња“, рече Фернандез алудирајќи на времето што Лула го мина во затвор поради пресудите за поткуп што минатата година беа поништени од Врховниот суд на Бразил.

Изборниот резултат во Бразил значи дека левицата сега ќе биде на власт во сите големи економии во регионот, по низата изборни победи последните години, од Мексико до Аргентина. Победата на Лула го консолидираше новиот „розов бран” во Латинска Америка по историските изборни победи на левицата во Колумбија и во Чиле.

Новоизбраниот претседател на Бразил вети враќање на економскиот раст спонзориран од државата, како и на социјалната политика што помогна да се извлечат милиони Бразилци од сиромаштија за време на неговите два мандата како претседател од 2003 до 2010 година. Тој исто така вети дека ќе се бори против уништувањето на амазонските шуми.

Двата претходни претседателски мандати на Лула беа проследени со заначаен економски раст во земјата, а од функцијата замина со рекордно висока популарност. Причина за неуспехот беше корупцискиот скандал во неговата Работничка партија заради кој Лула мина 19 месеци зад решетки.

Извор: МИА

Би можело да ве интересира

Бразил и Аргентина размислуваат за воведување заедничка валута

Ана Ололовска

Врховниот суд покрена истрага против Болсонаро за нередите во Бразил

Катерина Павлова-Николовска

Жена го убила сопругот, му го отсекла пенисот и му забилa нож во око

Горан Наумовски

Во Аргентина рекордна инфлација од 94,8 отсто

Во Аргентина, куќа се урна поради пет тони отпад на покривот, загинаа четири момчиња

А1он

САД: Не сме добиле официјално барање за екстрадиција на Болсонаро

Ана Ололовска