Позитивните оценки за работата на рускиот претседател Владимир Путин во Русија се зголемила од 78,7 отсто во август на 81,8 проценти во октомври.
Мнозинството жители на Русија даваат позитивни оценки и за работата на кабинетот, покажуваат денеска објавените резултати од анкетата на ВЦИОМ, јави ТАСС.
Според резултатите рејтингот на Путин во Русија во јуни достигнал 80,5 отсто, во јули 80,6 отсто, во август 78,7 проценти, а во септември имало ново зголемување на 80 отсто.
Подобрување бележат и позитивните оценки за работата на Владата, од 53,6 отсто во август, на 53,3 отсто во октомври.
Одобрувањето на работата на Државната дума се зголемило од септември до октомври од 39,7 отсто на 45,5 проценти.
Генералниот директор на ВЦИОМ, Валериј Фјодоров ја поврзува промената во тие показатели со „почетокот на стабилизацијата на економската ситуација“ и „стабилизацијата на секојдневниот живот на граѓаните“.