Анкета: Над 60 проценти од Французите ги поддржуваат Жолтите елеци

Од:

Речиси две третини од Французите (64 отсто) продолжуваат да го поддржуваат Движењето Жолти елеци, што е за два проценти повеќе во споредба со минатиот месец, јави дописникот на МИА од Париз.

Според анкетата на „ЈуГов“, 77 проценти од испитаниците изјавиле дека нивната мобилизација е оправдана. Додека 32 отсто се изјасниле дека не ги поддржуваат Жолтите елеци. Над половина од испитаниците (52 проценти) изјавиле дека Жолтите елеци не треба да ја запрат нивната мобилизација за време на големата национална дебата.

Речиси шест од десет Французи (58 отсто) навеле дека се недоволно информирани за големата дебата на Владата за излез од кризата, додека 38 проценти се со спротивно мислење. Исто така мнозинството 54 проценти од испитаниците оцениле дека предлозите кои произлегуваат од дебатата нема да добијат соодветен одговор, а 58 отсто одговориле дека предлозите нема да влијаат врз владината политика.

Од друга страна, големо мнозинство (71 процент) би сакале одлуките донесени по големата дебата да бидат ставени на референдум, а против тоа се изјасниле 19 отсто од испитаниците.

Анкетата е спроведена на 30 и 31 јануари, при што се испитани 1.037 полнолетни лица. Маргина на грешка е од 1,4 до 3,1 поени.

Би можело да ве интересира

Франција: Едно лице загина, а неколку се повредени во Мулхаус, Макрон тврди дека станува збор за „исламистички тероризам“

Макрон: Франција нема да испрати копнени трупи во Украина

Макрон итно ги собира европските лидери на самит за Украина

Катерина Ѓуровски

Првите француски ловци Мираж 2000 пристигнаа во Украина

Трагедија во Франција: Двајца тинејџери убија 14-годишно момче во Париз

(ВИДЕО) Се зголемува бројот на повредени во сударот на два трамваи во Стразбур

Горан Наумовски