Најголемиот дел од Германците сакаат Велика Британија да остане во Европската Унија, покажива анкетата на Дојче Веле, спроведена од истражувачкиот центар ДиМап.
Според истражувањето, кое опфатило над 1.000 граѓани на возраст меѓу 18 и 78 години, 78 отсто рекле дека сакаат Велика Британија да остане дел од ЕУ, а само 13 проценти се за „брегзит“, односно за излез на земјата од Унијата.
Кај граѓаните на возраст од 18 до 34 години, процентот на тие против излез на Валика Британија од ЕУ е уште поголем – 83 отсто, а само 10 проценти за „брегзит“.
Референдумот за останување на Велика Британија во ЕУ е закажан за 23 јуни оваа година и засега блокот предводен од британскиот премиер Дејвид Камерон, кој се залага за останување во Унијата има предност пред евроскептиците, но проблем е се помалиот рејтинг на премиерот кој сега има подршка од само 21 отсто од гласачите за извршување на својата функција.
Според Германците, излезот на Велика Британија од ЕУ нема да предизвика економски или финансиски тензии во унијата.