Според американски официјални лица и покрај тоа што нема докази за директна вмешаност на Русија во несреќата со малезискиот авион, Вашингтон смета дека Москва создала околности за уривање на авионот, пренесуваат медиумите.
Американските разузнавачки служби заклучија дека авионот најверојатно го собориле проруски сили со ракета земја-воздух СА-11 и дека на авионот е нишането веројатно поради забуна.
Разузнавачките извори велат дека до уривање на авионот на САД не им било познато дека проруските сили располагаат со таков вид на оружје.
Минатонеделното уривање на авионот во кој загинаа сите 298 патници и членови на екипажот ја продлабочија украинската криза, помеѓу проруските сепаратисти и владините сили.
-Се уште утврдуваме дали постои руска улога и дали на теренот имало Руси кои ги обучувале сепаратистите-рече за „CNN“, Бен Родес заменик на советникот на американскиот претседател за национална безбедност.
Е. Г.