Американски волонтер загина во Бахмут

Од:

Американскиот волонтер Пит Рид е убиен вчера во Бахмут додека им помагал на цивилите, се наведува во соопштението на хуманитарната организација Глобал Респонс Медицин, која тој ја основал.

„Вчера во Бахмут, Украина, беше убиен основачот на GRM, Пит Рид. Пит беше основата на GRM и беше извршен директор 4 години. Во јануари, Пит ја напушти GRM за да работи со Global Outreach Doctors на нивната мисија во Украина и тој беше убиен додека обезбедуваше помош“, се вели во објавата.

„Ова е моќен потсетник за опасностите со кои се соочуваат спасувачите и хуманитарните работници во конфликтните зони додека им служат на граѓаните фатени во вкрстен оган. Пит имаше само 33 години, но живееше живот во служба на другите, прво како одликуван американски маринец а потоа и во хуманитарна помош „ГРМ ќе се залага да го почитува неговото наследство“, се вели во соопштението.

Портпаролот на американскиот Стејт департмент им ја потврди на новинарите „неодамнешната смрт на американски државјанин во Украина“.

Би можело да ве интересира

Нова корупциска афера во Украина, осомничен е министер за земјоделство

Русите прават голем напредок во источна Украина

Кина ги отфрли обвинувањата дека ја поддржува руската инвазија на Украина

Унгарија повторно ќе ја блокира помошта за Украина

Додик отпатува за Русија

Полска е подготвена да распореди нуклеарно оружје на НАТО на своја територија