Мал американски воен тим се наоѓа во Киев, со цел да помогне во истрагата за соборениот малезиски авион МХ17, соопштија САД, а можно е и да работат на обука на украински војници.
Како што пренесуваат медиумите, тимот кој се состои од лица од областа на логистика, комуникација и планирање и специјални операции, ќе дејствува во Киев и нема да заминат на местото на несреќата во воената зона на исток на Украина.
Пентагон веќе најави дека бара од Конгресот 19 милиони долари за програмата за доедукација на дел од украинската Национална гарда за „внатрешна одбрана“.
Вашингтон веќе долго време обучува украински војници, но до сега нема испратено војници во Украина.
Е. Г.