Два руски стратешки бомбардери биле на патролна мисија над Беринговото Море, каде што повремено биле следени од американски борбени авиони, соопшти руската војска.
Руското Министерство за одбрана соопшти дека двата бомбардери Ту-95 летале над меѓународните води за време на десетчасовната мисија, која била дел од вежбата за „Океански штит“, пренесува Танјуг.
Во некои делови од нивниот лет, руските авиони биле следени од американски бомбардери Ф-22 и Ф-18. Руските воени авиони рутински ги следат авионите на НАТО во близина на руската граница, а истото го прават и воените авиони на САД и НАТО кога станува збор за руски авиони.