Данската премиерка Мете Фредериксен денес потврди дека нејзиниот министер за надворешни работи, Ларс Леке Расмусен, ќе се сретне со американскиот државен секретар Марко Рубио следната недела за да разговараат за Гренланд.
Средбата се случува во време кога САД се обидуваат да ја преземат контролата врз огромниот арктички остров, пренесува ДПА.
„Се наоѓаме на пресвртница“, рече Фредериксен за време на партиска конференција, според новинската агенција Рицау. Локацијата и точното време на состанокот сè уште не се објавени.
Самиот Рубио претходно потврди дека планира да се сретне со данските претставници откако Данска и Гренланд побараа разговори. Гренланд, кој има население помалку од 57.000 и е четири петтини покриен со мраз, е во голема мера автономен, но формално е дел од Кралството Данска, членка на НАТО.
Претседателот на САД, Доналд Трамп, во последните денови ја повтори својата долгогодишна желба да го „поседне“ Гренланд. Неговата администрација не ја исклучи можноста за употреба на воена сила за преземање на контролата, наведувајќи ги безбедносните интереси и перципираната закана од Кина и Русија во регионот.
Како одговор, премиерката Фредериксен предупреди дека ако САД го свртат грбот на соработката во рамките на НАТО со заканување на сојузник, тогаш „сè ќе престане“.