Рускиот претседател Владимир Путин наводно го предупредил американскиот претседател Доналд Трамп за време на телефонскиот разговор на 3 јули дека планира нова ескалација на конфликтот во источна Украина.
Како што објави американскиот портал „Аксиос“, Путин најавил дека нова руска офанзива ќе започне во следните 60 дена со цел руските сили да стигнат до административната граница во областите што Путин ги смета за свои.
Како што понатаму наведува порталот, според извор запознаен со содржината на телефонскиот разговор меѓу Путин и Трамп, рускиот лидер јасно ставил до знаење дека планира понатамошна ескалација во војната со Украина.
Исто така, „Аксиос“ тврди дека Трамп му ја пренел оваа информација на францускиот претседател Емануел Макрон, кажувајќи му дека Путин повторно ќе се обиде да окупира територија до административните граници на украинските области каде што Русија има значајно упориште.
