Сирискиот привремен претседател Ахмед ал Шара повика на мир откако повеќе од илјада луѓе, главно цивили, беа убиени во судирите меѓу сириските безбедносни сили и лојалистите на поранешниот претседател на земјата, Башар ал Асад.
– Мораме да го зачуваме националното единство и домашниот мир. Можеме да живееме заедно. Бидете сигурни, оваа земја има капацитет да опстане, нагласи Ал-Шара, говорејќи во џамија во Дамаск.
Според неговата проценка, она што во моментов се случува во Сирија е „во рамките на очекуваните предизвици“.