Палестинскиот лидер Махмуд Абас денеска најави дека палестинските автономни власти повеќе неможат да се придржуваат до Договорот од Осло, бидејќи Израел продолжува со изградбата на еврејски доселнички населби на окупираните територии.
– Објавуваме дека се додека Израел одбива да ги почитува договорите што ги има потпишано со нас…, ние немаме друг избор, освен да истакнеме дека нема да останеме посветени на спроведувањето на овие договори, се додека Израел постојано ги крши, изјави Абас во обраќањето на Генералното собрание на ОН.
Тој нагласи дека во такви услови палестинските автономни власти немаат обврска да ги почитуваат „своите потписи на овие договори“.
– Израел мора да ја преземе својата одговорност како окупаторска сила, бидејќи состојбата статус кво повеќе не може да продолжи, додаде Абас.