Најмалку 47 милитанти загинаа изминатите три дена во жестоките судири меѓу ривалски фракции на талибанците во југоисточен Авганистан, изјави протпаролот на авганистанската провинција Забул, Гул Ислам Сајал.
Тој наведе дека во судирите се повредени 53 членови на ривалските групи, како и дека една од фракциите заробила најмалку 18 борци на новата отцепена талибанска фракција.
Судирите избиле откако минатата недела неколку истакнати лидери на талибанците се одвоиле од главната бунтовичка група и го избрале за свој врховен лидер мулата Мохамед Расула, поранешен провинциски гувернер од периодот на талибанскиот режим, меѓу 1996 и 2001 година.
Фракцијата на Расул се бори против фракцијата, предводена од мулата Ахтар Мансур, кој ја презеде власта над талибанците, откако ова лето беше објавена смртта на основачот на талибанците, мулата Мохамед Омар.
– Борбите се најжестоки во округот Аргандаб, изјави Сајал додавајќи дека изутринава е договорено кусо примирје, со цел од првата линија да се тргнат телата на убиените, како и на повредените милитанти.