Украинската служба за итни случаи соопшти дека 25 лица се уште се водат како исчезнати по ракетниот напад минатиот викенд врз станбен блок во Днипро, во кој загинаа најмалку 40 лица, меѓу кои три деца.
„До 08:00 часот на 17. јануари спасени се 39 лица, меѓу кои шест деца. Загинаа 40 лица, меѓу кои три деца. Повредени се 79 лица, од кои 16 деца. Добивме 47 пријави за исчезнати лица, од кои 18 се пронајдени мртви, четири лица се пронајдени живи од роднини, во болници, во моментов се трага по 25 лица.
Психолозите на Државната служба за вонредни ситуации им пружиле помош на 176 жртви. Во тек се операции за пребарување и спасување и демонтирање на опасните структурни елементи. Општинските служби отстранија повеќе од 9.000 тони градежен шут и 41 оштетен автомобил. Во работите беа вклучени вкупно 415 лица“, соопштуваат оттаму.