Тринаесет луѓе загинаа, а повеќемина се повредени во тешка сообраќајна несреќа во централниот дел на Виетнам, кога автобус излетал од автопат и се превртел, пренесуваат виетнамските медиуми.
Во автобусот имало околу 40 патници, кои се собрале да слават 30 години од матурирањето.
Според преживеаните патници, возачот изгубил контрола над возилото, а најверојатно и сопирачките на автобусот не функционирале добро.
Од почетокот на годинава, во сообраќајни незгоди во Виетнам, кој има хроничен проблем со безбедноста во сообраќајот, загинале повеќе од 3.200 луѓе.