Најмалку 12 лица загинаа во самоубиствен бомбашки напад во близина на авганистанското Министерство за одбрана во Кабул, соопшти авганистанската Влада.
Портпаролот на Владата изјави за Би-Би-Си дека десет од убиените се цивили, а осум лица се повредени во нападот.
Одговорноста за нападот ја презедоа талибанците.
Претходно денеска во напад во близина на пазар во источната авганистанска провинција Кунар, загинаа 11 лица, а 40 беа ранети.
– Бомбашот самоубиец возел мотор, а потоа се разнел на пазарот во Асадабади, главниот град на провинцијата, при што 11 лица загинаа, а повеќе од 40 се ранети, изјави портпаролот на гувернерот на провинцијата Кунар.