Дваесетина албански државјани од Корча организирано беа донесени околу 17 часот да гласааат во Центар во просториите на Фудбалската федерација на Македонија.
Сите беа со лични карти издадени во изминатиов месец, на адреса на Максим Горки во центарот на Скопје, и сите со живеалиште во ист стан.
Овие таканаречени жители на Скопје не заминаа во станот на кој што е наведена адресата во новите лични карти, туку се држеа за раце кога излегуваа од гласачкото место и влегуваа во автомобилите кои потоа ги носеа онаму од каде и што дојдоа.
На прашањето на А1 од каде се, речиси и не знае да одговорат. Во групи како што дојдоа така и заминаа, организирано со неколку возила. Откако гласаа замина и засиленото полициско обезбедување од ова гласачко место.