Најмалку 22 лица загинаа денеска во Бразил во судир на камион и автобус кој се запали, соопштија локалните пожарникари.
На автобусот во кој имаше 45 патници му пукна гума, возачот изгуби контрола над возилото и се судри со камион што доаѓаше на автопатот кај градот Теофило Отони во провинцијата Минас Жераис. Пожарникарите соопштија дека од уништениот автобус спасиле 13 патници.
🚨 TRAGÉDIA: Imagens mostram destruição no acidente entre carreta e ônibus na BR-116 em Teófilo Otoni, Minas Gerais. Autoridades confirmam 21 mortos. pic.twitter.com/AhmYLzz8Tr
— Blog do Marcelo (@blogdomarcelo) December 21, 2024
„Пожарникарите извлекоа 22 тела од автобусот, а другите жртви се уште треба да се извлечат“, изјави пожарникар Алонсо Виеира Јуниор.
Тој додаде дека е потребен кран за да се извлечат преостанатите жртви од другиот дел на автобусот, пренесува Ројтерс.