Страв, солзи, неверување и жртви во едно мало место во Италија. Првиот земјотрес е регистриран во 3:36 по полноќ, а вториот кој траел една минута во 3:56, чиј епицентар бил токму во Аматриче. Земјата се тресеше 142 секунди. Подоцна, следуваа многу повеќе, но за јачината говорат и видеата снимени токму во моментот кога најмногу се тресеше земјата, пишуваат италијанските медиуми.
Аматриче од утрово е затворено за автомобили, пристап имаат единствено автомобилите за цивилна заштита: Полицијата, пожарникарите, амбулантните возила и војската. Останатите граѓани до местото можат да отидат само пеш. На улиците во Аматриче се гледаат остатоци од куќите, а се слуша вресок од луѓето чии најблиски се под рушевините.
– Бевме уплашени. Имаше силно тресење, гледавме единствено да си ги спасиме животите, се се случи многу брзо, земјотресот почна наеднаш да тресе, вели еден од жителите на Аматриче.