ВИДЕО: Со колички ќе излеземе на протест, ако нема пари за достоен живот, порачаа лицата со попреченост

Од:

Бранкица Димитровска од Здружението „Хендикеп“, на прес-конференција од пред Министерството за труд и социјална политика, порача дека лицата со попреченост, ќе протестираат ако треба секој ден со колички, доколку не се земат в предвид нивните барања, пред се подигање на висината помошта која се издвојува од буџетот.

„Има пари за сите само за лицата со хендикеп нема. Со 7000 денари месечно колку што предвидел предлагачот на законот, не може ниту половина од месечните трошоци да се покријат. Од друга страна има спорен член во предлог законот за социјална заштита, кој вели дека лице кое користи надоместок за попреченост, истовремено не може да користи надоместок за помош и нега од друго лице. Сметаме дека овој закон е дискриминирачки, иако Македонија е потписничка на конвенцијата на ОН, за еднаков пристап на овие лица, бидејќи не прави ништо за подобрување на условите за живот“, рече Димитровска.

Димитровска, кажа дека власта нема слух за овие лица и дека инклузијата што ја предлага министерката Царовска , е само на хартија.

„Во законот се предвидува инклузија, но при тоа нема конкретни мерки со кои ќе спроведе таа и според нас овој закон ни млаку нема да ја подобри нашата ситуација. За каква инклузија зборуваме кога, нема пристапност до институциите, односно инфраструктурата не е прилагодена, па инвалидизираните лица за да стигнат од една до друга релација мора да одат со такси и со придружник. Не се ослободени од партиципација за здравствени услуги, не се ослободени од ДДВ, не се ослободени од ниту една комунална давачка. Затоа бараме и апелираме да се слушне нашиот глас и да порачаме дека хендикепот не е треба да се гледа кај поединецот туку во општеството“, изјави Бранкица Димитровска од Здружението Хендикеп.

Според податоците на Здружението Хендикеп, има околу 2000 лица со попреченост кои користат колички.

Габриела Димковиќ-Мишевска

Би можело да ве интересира

Царовска: На луѓето без приходи со добивање на социјалните услуги им следува лекување без партиципација

Ана Ололовска

Според Нацрт-законот работодавачите ќе добиваат за покачување на плати од 600 до 6.000 денари

Ана Ололовска

Преговорите за зголемување на минималната плата се во тек, не се знае колкаво ќе биде покачувањето

Ана Ололовска

(ВИДЕО) Царовска: Ја зголемивме социјалната помош и платите го решивме проблемот на стечајците се грижиме за граѓаните

Ана Ололовска

Прв спортски камп за лица со попреченост во Ресен

Ана Ололовска

Царовска: Пензискиот систем стабилен, првпат се исплатија пензии без задолжувања

Ана Ололовска