Во судир на два хеликоптери во воздух во американската држава Њу Џерси, едно лице загина, додека друго е повредено, соопштија надлежните органи.
DEVELOPING: Emergency crews are responding after two helicopters reportedly collided midair and crashed in Hammonton, New Jersey.
Witnesses report flames and thick smoke at the crash site. The cause of the collision is unknown, and officials have not confirmed the number of… pic.twitter.com/2ZhYFunNpm
— Sarcasm Scoop (@sarcasm_scoop) December 28, 2025
Според информациите од Федералната администрација за воздухопловство (FAA), хеликоптерите „Енстром Ф-28А“ и „Енстром 280Ц“ се судрија денеска околу 11:25 часот по локално време во близина на општинскиот аеродром Хамонтон во јужниот дел на Њу Џерси.
Во времето на несреќата, во двата хеликоптери биле само пилотите.
Снимките од местото на несреќата, објавени од американските медиуми, покажуваат како еден од хеликоптерите неконтролирано се врти во воздух пред да падне на земја. По пристигнувањето на теренот, членовите на противпожарната служба го изгаснаа пожарот што го зафати едно од леталата.
Хеликоптерите се урнаа на поле во областа Хамонтон, а двајцата пилоти беа префрлени во најблискиот трауматолошки центар.
Едниот од нив им подлегна на повредите, додека другиот е на лекување.
Истрагата за причината за несреќата ќе ја преземе Националниот одбор за безбедност во сообраќајот (NTSB), со поддршка на FAA.
Противпожарната служба на Хамонтон апелираше до граѓаните да не се приближуваат до местото на несреќата, додека реагираат службите за итни случаи.