Репортерот на CNN, Фред Плејтген, известуваше од уништеното седиште на иранската државна телевизиска станица IRIB во Техеран, која беше погодена од израелски воздушен напад.
„Се наоѓаме во главната сала на зградата IRIB. Штетата е огромна. Канцеларии, опрема, технологија – сè е практично неупотребливо“, рече Плејтген од епицентарот на нападот.
Во уништените простории има и телевизиско студио каде што водителката ги читаше вестите во живо во моментот на ударот.
„Водителката веднаш беше евакуирана, но по нападот се врати и ја заврши информативната емисија. Во Иран денес, таа се слави како медиумски херој“, додава CNN.
За време на обиколката, тимот беше предупреден за потенцијалното присуство на неексплодирани бомби во урнатините.
Властите во Техеран тврдат дека нападот врз медиумскиот објект е директен напад врз суверенитетот на Иран и најавуваат одговор.