Пратеничката на партијата ДОМ, Лијана Поповска ја повика антикорупциската комисија да испита дали функционери од Министерството за економија имаат судир на интереси во случајот со концесијата Иловица Штука, бидејќи од Министерството со месеци го држеле барањето за одземање на концесијата и не го проследиле до владата. Таа рече дека не исклучена можноста да има вклучено функционери во целиот процес, односно дека имаат лични интереси да проработи рудникот.
„Владата имаше јасен став и застана зад одземање на концесијата, но овде ја повикувам антикорупциската комисија да ја расчисти ситацијата. Се сомневам дека има нешто нечисто кај Управниот суд кој со месеци го држи барањето и не одговара и поради тоа власта чекајќи го мислењето на судот не ја носи конечната одлука. Ја повикувам анти-корупциската да испита и дали некој во Министерството за економија нема личен финансиски интерес што не предлага на владата конечно одземање на концесијата“, рече Поповска.
Поповска посочи дека треба да се истражат не само сегашните туку и поранешните функционери кои издавале документи за концесија на рудникот.