Нелегална фабрика за цигари и 300 метрички тони цигари се пронајдени во Касино, место на околу 120 километри од Рим, соопшти денес италијанската полиција.
#GdiF #Ancona: scoperta una fabbrica clandestina di sigarette nascosta in un bunker sotterraneo. Sequestro record di sigarette per oltre 300 tonnellate. #NoiconVoi pic.twitter.com/yfvv0mFpTD
— Guardia di Finanza (@GDF) September 27, 2025
Едно лице е уапсено, а имот вреден повеќе од 50 милиони евра е конфискуван од напуштениот логистички центар.
Издадени се налози за апсење за другите осомничени. Истражителите веруваат дека преку нелегалната фабрика се избегнати даноци во вредност од над 500 милиони евра и дека операторите оствариле нелегален приход од 130 милиони евра.
Зад скриениот подземен влез, полицијата пронашла спални соби и простор за живеење во кој можат да се сместат 18 работници, како и кујна и бањи. Се верува дека таму се произведувале повеќе од 7 милиони цигари дневно.
Тоа е најголемата нелегална фабрика за цигари некогаш пронајдена во Италија. Цигарите се продавале во Италија и во други земји од Европската Унија.