Дека неволјата навистина ги зближува луѓето, деновиве тоа го докажаа многу примери со кои граѓани на разни начини им помагаат на настраданите во поплавите, кои што го зафатија регионот.
Еден таков гест кој ја воодушеви јавноста е потегот на новинарот Игор Пожгај од Бања Лука, кој ги подари своите чизми и без чевли продолжи да ја извршува својата работа.
Додека бил на задача во поплавениот босански град Добој, Пожгај прашал еден човек, што му е најпотребно, а кога тој му одговорил дека тоа се чизмите кои што ги носи на своите нозе, бидејќи веќе три дена одел со најлонски ќеси по водата, новинарот му ги подарил.
Е.Г.