Вака претседателот на Собранието одговори на координаторот на пратеничка група на ВМРО-ДПМНЕ, Драган Данев, кој сакаше да го прочита писмото што партијата го испрати до законодавниот дом со барање Христијан Мицкоски да говори на седницата за уставни измени.
„Јас на никого не сум пратил покана, нема основ по кој да го поканам Мицкоски да учествува во работата“, рече Џафери.
Данев, пак, тврди дека со оглед на ситуацијата, треба да се овозможи Мицкоски да се обрати од Собранието.
„Студентските лидери во 96-та година се обратија“, рече Данев, на што Џафери повторно одговори дека Деловникот не дозволува.
Неофицијално, една од причините поради кои барањето било вратено од архивата во Собранието е затоа што било адресирано до господин Џафери, наместо до претседателот на Собранието.