Бројот на загинати во нападот на божиќниот пазар во Магдебург се искачи на пет, а повеќе од 200 се повредени, од кои многумина сериозно, изјави денеска во Магдебург премиерот на покраината Саксонија-Анхалт, Рајнер Хаселоф.
„Бројот на загинатите се искачи на пет, а над 200 луѓе се повредени, од кои многу сериозно и тешко“, рече Рајнер Хаселоф.
Демохристијанскиот политичар рече дека билансот на овој напад е „дури поголем од очекуваното. Ова место засекогаш ќе остане во меморијата на градот Магдебург“, рече Хаселоф.
Германскиот канцелар Олаф Шолц пристигна во Магдебург и рече дека Германија ќе мора да реагира на овој напад.
„Прво треба да видиме што всушност се случило таму и кои мотиви довеле до тоа и потоа ќе реагираме“, рече Шолц.
Тој додаде дека земјата сега мора „да остане заедно“ и дека омразата не смее да надвладее.
Nichts könnte vielsagender sein wie die gelangweilte Attitüde, mit der die da so rübertrampeln. Man spürt, wie genervt sie davon sind. #Magdeburg https://t.co/iRvFL8JDfQ
— PlayLiszt (@PlayLiszt8) December 21, 2024
„Нема да ги толерираме оние кои сеат омраза, но ќе им се спротивставиме со сите расположливи средства за владеење на правото“, рече Шолц.
Засега не се познати мотивите на 50-годишниот лекар Талеб Џавад Ал Абдулмохсен, по потекло од Саудиска Арабија, кој го возеше автомобилот кој синоќа влета во божиќниот пазар во Магдебург.