Сè што историската комисија договорила со Бугарија е неточно и намерно извртено со формулации кои ѝ одат во прилог само на бугарската страна, сметаат историчарите со кои разговараше „Скен“.
Кирил и Методиј, св. Климент Охридски – овие просветители работеле и твореле во име на христијанството години и години пред Бугарија воопшто да го прифати христијанството.
Членовите на комисијата наместо да се држат до науката потпаднале под политичката игра за толкување на историјата, а политиката со овие договори капитулираше.
Ставовите на овие неколкумина членови на комисијата не ја отсликуваат и не говорат во име на научната мисла во Македонија, реагираат од Здружението на историчари, кое од септември ќе организира и јавни трибини од кои гласно ќе се чујат ставовите на историчарите.