Силна експлозија утрово одекнала во местото Џизре во југоисточниот дел на Турција.
Нападнат бил полициски пункт, а има мртви и ранети. Според првичните информации има најмалку девет луѓе загинато, меѓу кои тројца полицајци, а 64 биле повредени.
Силната експлозија целосно ја уништила полициската станица и оштетила неколку згради во околината. Според турските медиуми експлозијата била предизвикана од автомобил бомба.
Агенцијата Анадолу пренесе дека за нападот е одговорна Работничката партија на Курдистан.
Според телевизијата НТВ од местото се издига облак од дим, а во тој правец се упатиле повеќе коли на брза помош. Ројтерс пренесува дека има „многу мртви и повредени“ но не прецизира бројка.
Џазире се наоѓа во провинцијата Ширнак, која се граничи со Сирија и Ирак. Во таа област, мнозинството население се Курди