Адам Кирби има само 2 ипол години, а има коефициент на интелигенција од 141, поради што е квалификуван да влезе во Менса.
Родителите Дин и Кери Ен Кирби, ја тестирале интелигенцијата на нивниот син Адам, кога имал само две години.
Се испоставило дека неговиот IQ бил 141, а после прегледот и потврдата од психологот Џоан Фримен, поканет е да се приклучи на Менса.
Сепак, тоа не е најмладиот член. Таа титула се уште ја држи Елиса Тан Робертс која се приклучила во Менса само еден месец помлада од Адам.
Адам читал на само девет месеци, тој знае да множи до 100, да брои до 1000 на англиски и до 20 на шпански и јапонски јазик. Кога имал само една година, ги разликувал според обликот државите и сложувал сложувалки за возрасни.
Г-ѓа Кирби му читала и пред да се роди, а му го рецитирала Шекспир, кога имал само неколку месеци.
„Кога имаше девет месеци, сфативме дека е различен“, изјавила мајката на Адам.
„Не го тераме на ништо. Самиот сака предизвици. ќе биде тешко кога ќе тргне на училиште, бидејќи пред него нема да има доволно голем предизвик “, вели неговиот татко.