Силен земјотрес со јачина од 7,1 степени според Рихтеровата скала е регистриран во близина на Тонга, предизвикувајќи предупредување за цунами за островската држава на Тихиот Океан. Американскиот геолошки институт (USGS) соопшти дека земјотресот бил регистриран на околу 100 километри североисточно од главниот остров Тонга, во раните утрински часови по локално време.
Тихоокеанскиот центар за предупредување од цунами издаде предупредување дека опасните бранови можат да ги погодат крајбрежните области на 300 километри од епицентарот. Засега нема извештаи за жртви или материјална штета.
Тонга е островска држава во Полинезија, која се состои од 171 остров, со население од нешто повеќе од 100.000, од кои повеќето живеат на главниот остров Тонгатапу. Се наоѓа на повеќе од 3.500 километри источно од австралискиот брег.