Александар Коун, еден од полициските службеници кој е обвинет за смртта на Афроамериканецот Џорџ Флојд, беше забележан во еден локален маркет во Минесота, каде што пазарувал неопходни намирници.
Тој беше ослободен со кауција од 750.000 американски долари. Жена го забележала Коун во супермаркетот „Кјуб фудс“ и веднаш решила да ја вклучи својата камера и да побара неколку одговори во врска со случајот „Флојд“ кој иницираше масовни протести ширум светот поради полициската бруталност во која учествуваше и Александар Коун.
Жената која го снима видеото, најпрвин го прашува 26-годишниот поранешен полицаец како се вика, а тој веднаш го потврдува својот идентитет, по што жената која снима вели:„Значи ти не си во затвор и удобно си пазаруваш во Кјуб фудс, како ништо да не си направил“.
Поранешниот полицаец одговара дека ги набавува своите неопходни намирници, иако го посетил маркетот само за да купи орео колачиња.
Во текот на видеото се слуша дека жената која го снима видеото повторува дека тој не треба да биде таму туку во затвор и го обвинува дека тој „убил човек ладнокрвно“.
look who my sister caught at Cub Foods in Plymouth. J. Alexander Keung, one of the officers who lynched #GeorgeFloyd in cold blood. pic.twitter.com/PVX4pFijab
— josiah (@jk3rd_) June 21, 2020
Според информациите од американските медиуми, Коун бил на смена и му помогнал на Дерек Шовин кој го усмрти Флојд, да го задржи Флојд пред тој да го приклешти вратот на Афроамериканецот.
Коун е обвинет за помагање и поттикнување во убиството на Флојд, но поради платената кауција сега се наоѓа на слобода.