Градоначалникот на Киев Виталиј Кличко на Телеграм објави нова информација за рускиот ракетен напад врз главниот град на Украина.
Тој вели дека „руските варвари извршија голем терористички напад“ на Киев, во кој загинаа најмалку пет лица.
„Утринава и во текот на денот беа погодени неколку области на Киев, особено центарот на градот. Избезумениот агресор погоди и неколку важни инфраструктурни објекти“, рече Кличко, додавајќи дека „досега е потврдена смртта на пет лица, а 51 лице се повредено.”
Од 51 повредени лица, 42 се пренесени во болница.
„Заканата од нови напади продолжува“, заклучи Кличко.