Тренчевска: Бектеши утре опширно ќе информира за спојувањето на концесиите, рудникот нема да ја растури коалицијата

Од:

Владата утре на седница ќе ја преиспитува одлуката за спојувањето на концесиите за рудникот во Иловица и ќе разгледа поопширна информација од министерот за економија Крешник Бектеши и вработените во Министерството за економија надлежни за доделување на концесиите, најави министерката за труд и социјална политика Јованка Тренчевска.

Тренчевска рече дека одлуката за спојување на концесиите за рудникот била донесена како дополнителна точка и оти во такви случаи „се потпираат на образложението што го дава ресорниот министер“.

-Рудник нема да има, затоа што ставот на министрите од Социјалдемократскиот сојуз е ист со ставот на граѓаните од општините во струмичкиот регион, Ново Село, Босилово и Василево.

Меѓутоа, на утрешната седница ќе имаме пооопширна информација од страна на министерот за економија и од вработените во Министерството за економија кои работат во правниот сектор каде што се доделуваат концесиите за да ни образложат се, сите судски одлуки, сите дополнителни документи што ги имаат издаено, и утре ќе ја преиспитуваме одлуката за спојувањето на концесиите, изјави Тренчевска, по настанот „Здрав оброк за секое дете“.

-Она што како Влада ќе го направиме, е на утрешната седница да ги разгледаме сите одлуки со поопширни инфорнации од страна на колегите од Министерството за економија, со доставување на документите на седница на Влада за да можеме соодветно да ја преиспитаме одлуката и да донесеме одлука онака како што мислат мнозинството министри од СДСМ, рече Тренчевска.

Таа не верува дека рудниците може да бидат точка на разидување во владината коалиција, затоа што, како што рече, оваа Влада се грижи за граѓаните и вложува во нив.

– Ако приоритет на Владата е руралниот развој, струмичкото поле со неговата плодна почва е токму она што го работи оваа Влада – инвестирање во земјоделието, земјоделците и во домашното производство, наведе министерката Тренчевска.

Би можело да ве интересира

ЕУ ја забрзува трката по минерали – нов повик за рудници, Македонија ќе се усогласува

Предраг Петровиќ

(ВИДЕО) Тренчевска: Бараме од надлежните институции да ги преземат сите мерки за заштита на жртвите и превенција на фемицидот

ДОМ: Ние сме за зелена Македонија, а не за рудници кои се штетни за сите

Горан Наумовски

(ВИДЕО) Тренчевска: Историска измама, со линеарното покачување власта ги краде пензионерите

Започна трката во САД кој прв ќе отвори рудник за бакар – Македонија не може да се пофали со раст во рударската индустрија

(ВИДЕО) Тренчевска: СДСМ поднесе амандман за обезбедување 1,2 милијарди денари за поддршка на настраданите во трагедијата во Кочани