Трамп го назначи Џејсон Гринблат за специјален претставник во меѓународните преговори

Од:

Џејсон Гринблат, еден од главните советници на новоизбраниот американски претседател, Доналд Трамп, ќе стане негов специјален претставник во меѓународните преговори, пренесоа американските медиуми.

Веста ја соопшти екипата на Трамп за транзија на власта.

Гринблат веќе две децении работи за трговската организација на Трамп. Во моментов тој е нејзин извршен потпретседател и главен правен советник.

Гринблат „одамна договара важни и сложени зделки во мое име. Тој може да собере многу луѓе на едно место и да постигне консензус за тешки и деликатни прашања“, наведува Трамп во соопштение.

Според Си-Ен-Ен, Гринблат ќе се концентрира врз израелско-палестинскиот конфликт, односите со Куба и трговските спогодби на САД со други земји, јавуваат француските медиуми.

Би можело да ве интересира

Белата куќа тврди: Трамп има срце на хуманитарец и требаше да ја добие Нобеловата награда за мир

Горан Наумовски

Трамп: САД може да воведат дополнителни санкции против Русија

Трамп и се закани на Шпанија со исклучување од НАТО

Зеленски: Трамп заслужува Нобелова награда ако донесе мир во светот и украинскиот народ

Националната гарда маршира во Чикаго по наредба на Трамп

Трамп: Ја завршивме војната во Газа