Во оружен напад кој се случи попладнето во Истанбул тешко е ранет заменикот началник на истанбулската општина Шишли, Чемил Чандаш.
Ранетиот е во тешка состојба, а според информациите од терен, напаѓачо влеголво неговата канцеларија и му пукал во главата.
Засега не е познато дали нападот е поврзан со неуспешниот воен удар кој се случи за време на викендот.
Во оваа општина, на власт е Републиканската народна партија, главната опозициска партија во Tурција.
Претходно, еден цивил беше убиен, а три лица беа ранети во престрелката што се случи во Анкара.
Нападот се случи недалеку од парламентот, а полицијата го уапси напаѓачот и го идентификува како полковник кој имал психички проблеми.
Оклoпни возила се на улиците на Анкара и Истанбул и засилено полициско присуство.