Силен земјотрес го погоди индонезискиот остров Сулавеси

Од:

Земјотрес со интензитет од 6,8 степени според Рихтеровата скала го погоди денеска индонезискиот остров Сулавеси, соопшти Американскиот геолошки завод.

Епицентарот на земјотресот бил 280 километри јужно од провинцијата Горонтало, на длабочина од 43 километри под површина на земјата.

Засега нема информации за евентуални жртви или материјална штета.

Индонезиската геофизичка агенција соопшти дека го укинала предупредувањето за цунами, што беше во сила 40 минути.

Портпаролот на агенцијата за катастрофи Сутопо Пурво Нугрохо изјави дека земјотресот се почувствувал во различни области од четири до шест секунди.

Тој соопшти дека властите на источниот брег и островите им наредиле на жителите да заминат на повисоки места.

Во Индонезија, земјотреси и вулкански ерупции се чести, бидејќи се наоѓа во пацифичкиот огнен прстен.

Би можело да ве интересира

Бројот на загинати по земјотресот во Авганистан се искачи на над 2.000

А1он

Уште еден силен земјотрес во Авганистан

Земјотрес од 4,8 степени по Рихтер во Киргистан

А1он

Земјотрес во близина на Мостар

Земјотрес го потресе Ел Салвадор

Три земјотреси ги погодија Северните Курилски Острови